Sr. D. Serafín González Pacheco
Presidente do "CLUBE DE REMO ROBALEIRA"
C/ ROSAL- MUÍÑO DE ABAIXO S/N
36780 A GARDA ( PONTEVEDRA)

  7 de Xuño de 2010
Moi señores meus: en primeiro lugar quero enviarlles un cordial saúdo e rogarlles que non se tomen a mal que me dirixa a vostedes con esta carta, sen ter o gusto de falar persoalmente previamente.
O motivo polo que o fago é para solicitarlles a súa colaboración para axudar que noso equipo "CLUBE DE REMO ROBALEIRA" realice coa súa axuda unha das regatas da Liga Galega de Traiñas, no porto da Guarda o día 24 de Xullo do presente ano. Probablemente vostedes xa coñecen o CLUBE de Remo Robaleira, sendo en Banco Fixo na categoría de Bateis o terceiro no medalleiro español, habendo conseguido ademais esta tempada:
                    ✔ xuvenil femenino:    1º posto Campionato Galego de bateis
                                                         2º posto Campionato de España de bateis

                                                         2º posto Campionato Galego de traineriñas

                                                          3º posto Campionato de España de trainesiñas

                    ✔ xuvenil masculino:    2º posto Campionato Galego de bateis
                                                           3º posto Campionato de España de bateis

                                                       1º posto no Campionato de Galego de Traineriñas

                                                       1º posto no Campionato de España de Traineriñas

E en categorías superiores como Traineriña conseguiuse o primeiro ano de participación en liga (ano 2009), un moi loitado 3º posto no Campionato de España ,e nesta Tempada 2010 acabase de conseguir o primeiro posto no Campionato Galego celebrado a pasada fin de semana e mais recentemente o Campionato de España por primeira vez na hisoria do noso clube. Cabe destacar tamén que as rapazas de Robaleira están participando no campeonato de traineriñas cedidas ó clube Naútico de Vigo, conseguindo un segundo posto no campionato Galego, e tamén un fantastico 3º posto no Campionato de España. E por todo isto e porque as ganas por conseguir novos triunfos ós deportistas non lles faltan, este ano ímolo a intentar coa Raíña do Banco Fixo, A Traiña.

Somos novatos nisto, pero coa colaboración do Concello da Guarda, xa fixemos a inscrición da liga galega, e solicitouse á liga e xa aceptaron que a regata na Guarda sexa o 24 de Xullo do 2010. A liga fórmase por 16 clubes de remo para facer un total de 17 regatas celebradas os sábados e domingos da tempada estival.
Por primeira vez na historia deste CLUBE vaise participar nesta categoría do Banco Fixo, a traiña, o cal como vostedes saberán é como a primeira división do Banco Fixo, a afección que move esta modalidade é moi superior á media das categorías inferiores, que como apuntaba o diario de Ferrol no Campionato de España de bateis :” a última xornada da competición, seguida por preto de tres mil persoas, deu colorido á zona do Porto de Ferrol e constatou a boa organización que, recoñecida polos integrantes de case todos os CLUBEs participantes, ten a cidade de Ferrol para levar a cabo este tipo de acontecementos”.

Pois ben, posto que nos propuxemos pasear o nome do noso pobo unha vez máis por toda Galicia, e ademais promover A GUARDA axudando no sector turístico organizando unha regata o día 24 de Xullo do 2010, ao que acudirán as 16 tripulacións de Traiñas ,máis os directivos dos respectivos clubes, ademais de toda a afección que iso leva , e as autoridades que a organización da liga invita, podemos estar falando dunhas 2.000 persoas que estarán desde primeiras horas do día no noso pobo, consumindo e axudando ao sector hostaleiro e e ao sector servizos da nosa vila.
Por todo iso é polo que solicitamos a súa axuda e pómonos en contacto con vostedes posto que o orzamento necesario para participar nesta liga é elevadísimo, e nestes intres o CLUBE necesita a axuda de todas as empresas e particulares posibles, necesitamos a súa axuda como patrocinador ou colaborador , axudando ao CLUBE en materia económica cada un como poida,
dando máis ou menos, en función das súas posibilidades. Sabemos que hoxe en día a cousa esta moi mal, pero necesitamos facer algo por estes deportistas, os obxectivos do CLUBE son : fomentar o deporte participativo, fomentar as relacións con outros mozos e fomentar o traballo en equipo. E para iso temos un punto forte: un persoal novo e con ganas de triunfar; pero temos un punto moi vulnerable: un orzamento moi reducido.
Por todo elo: AXUDA AO REMO, AXUDA AO CLUBE DE REMO ROBALEIRA.
Se están interesados na proposta, rógolles encarecidamente que me contesten cunha resposta positiva ou negativa, ou se poñan en contacto coa nosa Secretaria no teléfono 650 018 496 para poder concertar unha cita.
Para un primeiro achegamento, achégolles un dossier no que atoparán de xeito detallado, algúns datos que poden servirlles para poder avaliar o seu posible interese neste proxecto.
Queda á súa plena disposición toda a Xunta Directiva do C.R. ROBALEIRA para informarlles de canto crean convinte :
                ✔ PRESIDENTE: SERAFIN GONZALEZ PACHECO
                ✔ SECRETARIO: MANOLI PACHECO BARBOSA - TELEFONO: 650 018 496
                ✔ TESOUREIRO: CARMEN BARBOSA PACHECO
                ✔ VICEPRESIDENTE: JOSE GONZALEZ ADROVER
                ✔ DELEGADA: MARI LUZ COBALLES FERNANDEZ
O C.R. ROBALEIRA desexaría pechar en breve os acordos con patrocinadores e anunciantes, para poder traballar con tempo e previsión POSTO QUE NOS QUEDA MENOS DUN MES, e posibilitar así un mellor axuste de intereses entre ambas as partes.
Confiando merecer a súa atención e reiterando a nosa total dispoñibilidade para ampliar a información adxunta, saúdalles atentamente e agradézolles o seu tempo e as molestias que puidese ocasionarlle.

Atentamente, na Guarda a 03 de Xuño de 2010.
Serafin Gonzalez Pacheco
Presidente
Clube de Remo Robaleira.

CONTRAPRESTACIÓN QUE OFRECEMOS A CAMBIO DA COLABORACIÓN DA SÚA EMPRESA.
✔ Difusión da súa imaxe no noso material (Traiña ), tanto en competicións como en adestramentos, ao longo de todo o territorio Nacional, ámbito no que desenvolvemos o noso deporte.
✔ Naturalmente a marca, nome ou logotipo da súa asociación estará estampada no equipamento ( chalecos, polos camisetas, chandal), o que significaría unha gran oportunidade de publicidade , chegando así a máis futuros clientes.
✔ Tamén mencionar, que os resultados e a clasificación completa da liga , aparecen todas as semanas en prensa autonómica ( FARO DE VIGO, LA VOZ DE GALICIA, ATLANTICO DIARIO, Etc., e ata nalgunha revista do sector de tirada nacional. (Revista Remo da Federación Española de Remo ).
✔ Gran parte das Regatas son televisadas pola TVGA.
✔ Promocionar a súa empresa tanto dentro do club como no ámbito das instalacións deportivas nas que adestramos ou traballamos (ximnasios, piscinas e cursos e conferencias ).
✔ Publicidade dentro da nosa páxina web www.robaleira.com .
✔ Poden elixir a axuda que queiran, equipamento, económica, publicidade en embarcacións ou furgonetas.